هاهما الناس المعنيين بالضريبة
هادو هما الناس المعنيين بالتسوية الضريبية لي كيهضروا عليها هاذ ليامات .
واش انت مقاول ما مديكلاريش فلوسك؟ واش عندك شي ديور كتكريهم ما مديركلاريش بيهم ؟ يعني انت خاطيك هاذ لبلان .
راهم كيهضرو على التهرب الضريبي .إلى كدخل 24 مليون فالعام ما مديكلاريش بها ، الى عندك قناة في اليوتوب كدخل منها الملايين هادي هي فرصتك تجستيفي فلوسك .
إلى كنت موظف او اجير راه الضريبة اصلا كتقطع ليك من الصالير ديالك .والى جمعت مدخرات ولو تا 100 مليون أنت اصلا غير معني بهاذ الأمر .راه كيهضرو على اصحاب الملايير اللي كيدورو فلوسهم في السوق وما عمرهم خلصو حتى ريال للدولة.
مالين الكاميونات ديال الخضرة والاسواق اللي ما عندهم اصلا القانون ولا سجل تجاري. اما اللي عندو السجل التجاري راه كيخلص الضريبة السنوية ولو تكون عندو تا مليار ما كاين اللي يهضر معاه.
هاد التسوية الضريبية غادي يستافدو منها شحال من وحدين 5% ماشي شي حاجة .
اما انت جالس في دارك وما عندك حتى ريال علاش كتخلع الناس بالكذوب وانت اصلا ما عارف والو من هاذ الشي .
